存保計劃

http://www.dps.org.hk/tc/coverage.html


"
存保計劃保障你存放於在香港屬計劃成員的銀行的合資格存款。倘你存放合資格存款的銀行倒閉，你可獲最高達十萬港元的補償。

以任何貨幣為單位的合資格存款均受保障。合資格存款包括所有常見的存款，如往來帳戶、儲蓄帳戶及年期不超過五年的定期存款。然而，年期超過五年的定期存款、結構性存款(如股票掛鈎及外幣掛鈎存款)、用作抵押的存款、不記名票據(如不記名存款證)及海外存款均不受存保計劃保障。如銀行提供的產品不受存保計劃保障，銀行將會預先給你通知。

存款以外的金融產品不受存保計劃保障。例如，常見的投資產品如債券、股票、窩輪、互惠基金、單位信託基金及保險單均不受存保計劃保障。

由若干類別存款人持有的存款不受存保計劃保障。該等存款人包括銀行與存保計劃成員有關連的人士，如其關連公司及高級管理層。

總的來說，下列存款類別不受存保計劃保障:

* 用作抵押的存款
* 結構性存款
* 年期超過五年的定期存款
* 以計劃成員的資產作為償還存款的保證的存款
* 不記名票據
* 海外存款
* 為外匯基金帳戶持有的存款
* 豁除人士持有的存款
* 存款以外的金融產品

如欲查證你的存款是否受存保計劃保障，請聯絡你的銀行或查閱銀行提供的資料。"

河洛書

我老曹十五歲到十九歲時亦有睇有關奇門遁甲嘅書籍，限於當時年幼領略力唔高；加上離開學校後便漸少研究，因為以當時自己智慧，對此門學問感到莫測高深。年紀愈大，愈發現前人嘅智慧；利用奇門遁甲（二十年一大變），發現1950、 1970、1990、2010年皆主變。1949年新中國成立；1969年珍寶島事件中俄交惡，引發尼克遜總統訪華，中國由親蘇到親美。1989年發生乜嘢事？大家都知道。至於2010年中國經濟會否轉型成功，由出口導向改為內部消費帶動？有待觀察。

根據《河洛書》（亦係二十年一變），此乃中國地運，即1944年、1964年、1984年、2004年起運。1945年乃中國勝利，日本大敗；1964年中國大躍進失敗，劉少奇成為權力核心，中國經濟開始好起來，可惜1966年毛澤東發動文化大革命重新掌權、帶來中國十年浩劫。1984年中英達成1997 年7月香港主權回歸中國，中國開始行好運。2004年中國已加入WTO，全面國際化。

再以經濟循環周期睇，香港1949年入運。第一個二十年工業運（1949到1968年）；第二個二十年房地產運（1969到1988年）；第三個二十年金融運（1989到2008年）。香港連續行咗三個好運共六十年，工業由興起到下沉（1949至1978年興起，1979年起下沉），地產運亦由興起到下沉運（1967至1997年興起，1998年起下沉）；金融運完成興盛期（由1976年興起到2007年見頂）。香港行完三個大運後，擔心由2008年起未來二十年冇運行，因工業核心自1980年起內移，地產業亦由1997年起內移，恐怕金融業由2008年起亦開始內移。

至於中國，1978年起運，首二十年工業運到1997年，另二十年房地產運由1998年起步到2017年才完成。即內地房地產完成短期整固後，將好到2017年，好到你唔信。然後再行金融運，由2018年起運到2037年才完成。即中國仍有三十年好運行。

兩者相結合，2008年起香港雖然冇運行，但因依附中國，香港經濟未來二十年仍不太冷，只係主客地位互調。即1978至1997年香港為主、中國為客；1998至2017年香港地位日沉、中國地位冒起。2018年以後中國為主、香港為客。

上述乃我老曹對香港、中國經濟未來宏觀圖，係利用西方循環理論結合東方《河洛書》與《奇門遁甲》等折算出來。相信另一個中國大運由2011年開始，至於1909年及2010年中國仍係見龍在田（香港早已成為亢龍，進入亢龍有悔期）。

James Simons 發展出一套幾何定律叫Chern-Simons。1982年佢運用呢套幾何定律於金融市場，成立咗Renaissance Technologies對沖基金，搵出期市、外滙及股市中嘅inefficiencies

主要利用電腦搵出股市嘅inefficiencies
買入被忽略而股價偏低嘅股份，持有至該股重返合理或偏高水平便出售獲利。方法係：甲、該股P/E低於該股過去七年平均P/E。研究結果顯示，長線而言唔少股票P/E都可重返平均P/E水平。乙、購入明年可轉虧為盈嘅公司，但避免買入可能破產嘅公司。

可運用上述兩大條件去搵備受忽略嘅二線股作炒賣。

投資係尋找明天嘅大企業（唔係昨天嘅大企業）牛眼投資法叫我地學習 Vultures（禿鷹），例如用每股1元購入細價股，睇住佢日後升上10元、20 元……。禿鷹最喜攻擊已受傷嘅獵物（即有問題嘅企業，利用佢地轉虧為盈嘅機會去獲利）

經過2008年，股市內充滿受傷嘅獵物（即嗰D市價大大低於資產淨值嘅公司），可成為禿鷹日後獵取對象。股市已非一個投資市場，而係一個由資金流向（fund flow）決定升降嘅地方。

2008年9月初當恒生指數跌穿3月18日低點20572點後，代表大禍將臨頭，地氈下面肯定有D令人震驚嘅事响暗中進行，唔係嘅話，點解2008年3月20572點呢個前低點可以喺9月初失守（當時我老曹曾發出睇淡訊號，包括批評畢非德太早入市）？2008年11月20日我老曹喺香港電台叫人唔好再睇淡（日記翌日亦以〈切勿睇得太淡〉為題），理由係10月低點响11月份守得住。

目前有太多人睇淡美元，而唔知道家吓形勢下英國及歐洲較美國更差。如英鎊、歐羅減息，新一輪英鎊及歐羅拋售潮又再開始。

人民幣看貶，令唔少機構大買美元囤積。

人民幣自2008年12月1日大幅下跌
唔單止咁，近期內地外滙存款並冇相應增加，代表拋售人民幣後嘅外幣並冇存入內地銀行，而係滙走咗，並以台商企業為主

中國外滙儲備2008年第三季最高見1.91萬億美元，之後開始下降，係2003年12月以來首次。
依家一年期NDF（不交收遠期外滙合約）成7.04兌1美元，較現價6.8357人民幣兌1美元更低；加上人民幣利率較美元高，即2009年人民幣貶值幅度應大於2％。

2009年第一季仍非投資銀行股嘅時刻，相信去桿槓化需要多年才能完成，依家銀行股正面對呆壞賬迅速上升期

家吓情況係內地房地產冬天已來臨，春天仲未見影蹤。分析界大部分預言內地股市2009年下半年才見底、房地產2010年末才見底。依家撈底為時尚早。


家嚇嘅八點三倍O，估計喺公佈咗去年業績後將上升到十一倍（因去年唔少企業純利唔及2007年）。未來股市相信喺恆指平均O八至十二倍之間上落，直到去槓桿化完成為止。

1974年經濟低潮及1982年低潮係市場缺乏資金引發；呢次剛相反，無論機構投資者、個別投資者，甚至商界都大把資金，依家係無有吸引力嘅投資項目。形成一旦發現投資對象，大量資金便投入，令股價迅速上升。相信今年內升幅超過50％嘅股份好多

每次經濟出現搵食艱難期，都係發達容易期。家嚇喺money market嘅資金相等於標普五百總市值50％，由此可見市場現金係幾咁充沛（或等入市嘅資金好多）
估計今年全年股市仍處熊市二期，玩個別發展，即炒股唔炒市。

1月1日起中國取消短期天然氣及煤價管制（上述管制去年1月生效），代表中國政府唔再擔心今年通脹壓力，相信短期內人民幣再減息。

商品價格上升令資源股價格有支持

中國政府欲擴大內需去抵銷出口增長放緩需時，相信喺2011年前未見功效。

我老曹相信1929至32年式大蕭條唔會歷史重演，美國今年或以後經濟表現亦唔係1990至2003年日式衰退，而係介乎兩者之間。

恆指喺20000點以上升幅由謠傳港股直通車所引發，呢D只係泡沫
恆指50天移動平均線無法重返250天移動平均線之上（即確認牛市）

2001年中國加入世貿為美國提供低通脹條件，格蛇乘機減息，令資金湧入美國房地產市場吹起巨大泡沫

去槓桿化唔停止前，令股市變牛市係無法誕生嘅。

美元滙價10月中至12月中跌幅達8％，估計今年又再上升。擔心通縮喺美國出現而引發流動性陷阱（liquidity trap），理由係利率無法低於零，而CPI卻可以出現負數，令資本嘅真正成本上升，進一步打擊消費慾及投資欲，進而影響就業率及人均收入。

以美國生產嘅條件，生產五架飛機較生產一億條牛仔褲便宜。家嚇用一架飛機便換到一億條牛仔褲，結果係雙贏。呢個係中國開放嘅結果。問題係中國買入一架飛機後可用二十五年，但美國人買入牛仔褲後第二年便要再買，結果美國不斷向中國買牛仔褲，但中國唔使再買飛機，漸漸出現貿易唔平衡，引發2007年次按危機。美國財長保爾森指出，危機由貿易唔平衡引發。有D國家儲蓄率太高；反之，美國儲蓄率太低。過去中國把出口賺回來嘅外滙用作購買美債，令美債利率不升反跌，美國人冇因過度消費而令利率上升，直到次按危機爆發才出現急速調整。呢個唔平衡存在嘅時間太長，形成咗呢次調整幅度急且大

低薪及低技術製造業流失速度快於高科技產業及服務業成長速度，因為遇上美國次按危機。中國結構性調控需時一般估計要三年。

1月效應正在發生。因愈來愈多人相信牛市重臨，而忘記熊市二期中反彈幅度最少係前跌幅31.8％，一般可達前跌幅50％，最多可達61.8％。至今恆指反彈幅度連50％都未有。即短期仍有力再升。估計今年下半年利率將止跌回升，到時股市先有壓力。去年主要苦難喺金融市場

曹仁超 2008/12/30 - 美元唔死就美債死

2009年嘅危機係美國債券市場。
一、如美元滙價穩定，美國債券將大跌；二、如美債穩定，美元滙價將大跌；兩者唔可能並存。我老曹傾向相信係前者而非後者

09年二線股先係主角
大部分投資者唔再睇好金融股；至於能源股、原材料股同工業股，睇法相當分歧
通常喺衰退中期（即熊市二期），二線股便會有出色表現；但熊市一期及熊市三期，二線股跌幅則較大。

電子股可實行「Buy the Dips」（過度被拋售者可吸納）。地產股短期痛苦、長期獲利
至於能源股同資源股，便「Buy Vale」（偏低時才吸納）。

瑞銀估計2009年金價可能見300美元一盎斯，主要係各國央行積極拋售黃金以獲取資金

鋼鐵業衰退期至少四年

　　隨住環球鋼鐵售價重返2001年水平，英國鋼鐵業重陷虧損期。下次鋼鐵業復甦期將由2013年開始（上一次鋼鐵業衰退期由1979年開始，並長達四年。過去一百年鋼鐵業盛衰循環週期中，衰退期皆長達四至五年。

A股將進入猴市

　　以1664點計，A股基本因素已到咗有投資價值嘅水平，加上政府出台4萬億元人民幣刺激經濟計劃，理論上A股有條件響2008年結束熊市。只係「融冰」時期剛開始，過程會非常曲折，相信A股仍有一段日子響低位牛皮，才能重建投資信心。情況有D似1982年12月，當年恆生指數已見底，但因香港主權問題談判未有結果，令投資者十五十六。到1984年 7月，港股牛市才開始。最樂觀估計，A股市場要到2009年下半年才轉勢

我老曹入行四十年，經歷過三大狂潮：

一、1971年美元放棄金本位，引發七十年代高通脹期。金價由42美元一盎斯升上1980年1月850美元。呢十年嘅投資策略係點樣喺高通脹中獲利？

二、1984年7月中英聯合聲明達成初步協議，除保證香港資本主義制度五十年不變外，亦限制香港政府每年賣地五十公頃至1997年6月30日止，因此帶來香港十三年樓價狂升期，香港進入買樓（或地產股）可以發達期。

三、2001年1月美元利率由6.5厘回落到2003年年中1厘，美國進入負利率時代。信貸膨脹引發美國樓價及股市狂升，最終以次按危機結束。港股亦由2003年4月上升至2007年10月，恒生指數由8000多點升上32000點，上升四倍。

中國雄起係未來大趨勢
有智慧不如趨勢。上述三個大趨勢，任何一個都可帶來驚人回報。未來大趨勢將係「中國雄起」。2008年開始中國經濟進入轉型期，估計需時三年，即2010年底前中國經濟應進入另一上升周期；反之，美國衰退期由2007年第四季開始，短則三年，長則五年甚至七年或以上。

過去已成過去。2007至08年A股股民嘅遭遇一如1973至74年香港小投資者，此乃成熟前嘅陣痛，差唔多每一個地區或國家皆必經過。情況有如1929 年美國華爾街，必須經過這樣嘅洗練，投資者才能成熟，不然一如日本到1990年才爆發，情況可能更悽慘。換言之，超級大熊市愈早出現愈好！

中國經濟轉型嘅最大阻力，係中國現今仍然國富民窮。反觀日本1950至80年日本人工資增長速度較美國快70％，中國由1978至2007年工資增長速度只較美國快4％！2007年全國職工工資總額加上農村居民現金收入只佔GDP 23.6％。全國城鎮居民人均收入13786元人民幣，農村居民人均收入4140元人民幣。過去三十年改革開放政策嘅受惠者係企業家同國家（稅收大增及國企股市值大增），勞動人民收益升幅並唔大。如要進入內需帶動型經濟，必須將依家嘅國富民窮情況扭轉為國窮民富，例如全面降低稅收、提供社會福利、努力還富於民，不然內需型經濟無法喺中國境內出現。

恒指高潮估計在09年初
2008年已進入結局篇，又到咗預測滿天飛嘅時候。我老曹一向唔信預測，因為預測十之八九唔準。我老曹依賴嘅係分析，透過深入分析去預期（anticipate）事情發展，而非預測（predict）。任何事物發生必定有前因後果。明白前因便可預知後果。2007年11月3日總理溫家寶已講明：「港股直通車無法開出」。理性預期係恒生指數應由32000點重返18000點（2007年8月冇港股直通車傳聞前嘅水平），上述乃理性預期，而非預測，因此當恒指重返18000點出現強大支持。今年9月雷曼事件令恒指18000點失守，以量度跌幅計（由32000點回落到18000點下跌 43.7％，一旦18000點失守，必須再下跌43.7％或約7866點，即下一站睇10134點）。事實上，恒指跌到10月27日喺10678點獲支持，完成量度跌幅，11月份出現一浪高於一浪，即短期可睇好，估計高潮喺2009年年初。上述分析乃理性預期，並非預測。

必可在歷史上搵到雷同。例如2007年10月次按危機發生後，我老曹便一再引用1990年至今日本嘅情況

唔信石油供應會短缺, 建議大家出售資源股, 唔信2009年油價可大幅上升

估計2009年油價喺35美元之上、55美元之下牛皮，低於40美元一桶嘅油價應該見底，但上升乏力，因無論俄羅斯或海灣國家都面對財政壓力，2009年不得不賤賣石油；加上液化天然氣（LNG）發展迅速，將成為未來十年嘅主要燃料。如世界經濟2009年出現衰退，可令石油需求量較事前估計減少2.4％，兩大因素加起來，估計油價喺2009年內都無法重返60美元以上（响自由市場冇任何物質會出現短缺，因為一旦出現短缺，價格便上升，需求便下降，替代品便出現。任何短缺都只係暫時性而唔係永久性，包括石油在內）。

太陽黑子每十一年周期，令經濟盛衰周期亦大約十一年。較大循環係五十五年到六十五年，此乃北回歸線同南回歸線每年略有偏差，成為農產品周期。然後係一百一十年、二百五十年，最長循環係五百一十年。即五百一十年西方由衰而盛、五百一十年東方由盛而衰，主因係文化唔同、對氣候反應唔同結果。1941年係西方盛極年，開始步入衰退；東方則衰極，開始興盛。第一個五十五至六十五年循環周期，西方國家將盡一切努力去保持本身經濟繁榮（例如美國借到盡）；反之第一個五十五至六十五年周期，東方情況十分混亂，例如第二次世界大戰中日本被美國打敗；中國則出現國共之爭、文化大革命；印度出現印巴之戰等。2007年起西方經濟已完成第一衰敗循環周期，東方經濟亦完成第一個興盛循環周期，步入第二個大循環周期。西方經濟將迅速下滑、東方經濟將迅速冒起。作為投資者，宜向東望，而非向西走……。

即循環周期唔係重複再重複，而係朝向一個方向。每一循環之後，人類皆向一個正確方向走出一大步。

大部分人嘅思想每二十年改變一次。例如自己二十歲時，最有興趣追女仔；四十歲起才認真追求財富；六十歲便改為追求快樂

宋鴻兵喺《證券日報》估計第二波响2009年3月出現。參考1929至32年大蕭條，當政府救市策略失敗後，便出現第二波衝擊，其破壞力較第一波更大。估計今年10月至明年2月係緩衝期

佢認為，美國房價至今已下跌30％，約二百一十五萬棟房屋被銀行沒收並進行拍賣，美國人開始顯著減少消費。美國經濟喺2012年前好難復甦，而金融危機正向債市擴散。

中國比較美國好，家吓正面臨結構調整
只能喺金融危機下擔遮——擔遮唔保證喺暴雨中不被淋濕
結構轉型不能完全阻擋衝擊，至少可減低損失。

中國指數研究院常務副院長黃瑜認為，2009年商品房供過於求嘅局面不變，加上經濟商用房衝擊，2009年中國房價繼續全面調整。2009至2011年供應量大增，商用房價格更難止跌回升。

依家內地買車嘅稅率較香港仲高

工業股春江水暖鴨先知
《人民日報》12月30日一篇名為〈告訴你一個真實的東莞〉嘅報道，認為倒閉潮被放大；一方面有工廠倒閉，另一方面新註冊企業1月至10月高達一萬四千八百八十九家。估計2008年東莞GDP仍可上升14％。關閉嘅企業中，70％投資金額喺100萬美元以下、90％員工人數少於三百人，唔少仍停留喺「三來一補」式經營。《人民日報》認為，「這個冬天不太冷」，估計訂單只會減少20％，大部分都係低檔次。上述係經濟轉型下必須承受嘅痛。

從前東莞鞋廠一雙鞋可賣12美元，隨住鞋廠愈開愈多，一直壓價到9美元一雙。呢類惡性競爭必須停止，因為利潤全畀別人拿去，自己卻承受環境污染。依家一部分劣質企業倒閉後，生產資源集中响一些優質企業，便有更大嘅議價能力，一雙鞋售價又升上12美元；加上原材料價格大幅下調，對生存下來嘅優質企業而言，呢次倒閉潮反而係利好因素！嗰D抓技改、重研發、做品牌嘅企業不但未受倒閉潮影響，反而壯大起來。《人民日報》認為，只要捱過2009年第一季，東莞便有更美好嘅明天！

從在港上市嘅工業股股價表現睇，正是春江水暖鴨先知。資本主義制度下，汰弱留強無法避免。我老曹12月已開始推介各工業股矣。