去年10月起因抵押品跌價而引發嘅次按危機，令現金日漸變得稀少，Dow Theory Letter作者李察羅素（我老曹嘅道氏理論，亦係由佢嘅每月通訊中學習）警告，世界上大部分地區正步入通縮期，而唔係通脹期。巴西批發物價指數7月份出現負0.44％（6月仍升2.28％）。喺倫敦Lombard Street Research嘅Gabriel Stein指出，美國7月份MZM減少500億美元，係1959年以嚟最大跌幅（雖然一個月唔代表趨勢，但三個月平均升幅只得2.1％、六個月6.3％及十二個月11.5％），理由係房價下跌緊。

今年11月美國大選，大選後如通脹率仲未大幅回落，12月份美元加息機會好大。如12月唔加息，明年第一季亦需加息，因為長遠而言利率必需維持喺CPI升幅2厘或以上，除非通脹率跌到零，先可以阻止今年12月或明年第一季聯儲局加息。上述加息行動可扼殺任何經濟開始復甦時嘅萌芽，情況好似九十年代嘅日本銀行。

隨住OECD國家嘅GDP增長率放緩甚至負增長，對中國產品需求自然放緩，令中國出口業進入低增長期。今年1至7月中國外貿盈餘減少9.6％，上述因素引發去年10月至今滬深三百指數大幅回落，而且跌幅相當大。不過，中國經濟唔係英國、歐洲及美國，上述國家係成熟型經濟，GDP增長率好容易消失；反之，中國仍係新興國家，GDP增長只會下降到8％至9％之間，而唔係負增長，因政府以驚人速度投資基建項目。上述資金嚟自外滙儲備，所以唔使擔心因出口增長放緩，最終中國股市必出現V形反彈，問題係呢次急降幾時完成？參考1973／74年恒指喺二十二個月內回落91.5％；反之，內地人行一早已將利率上調、收緊存款保證金率及畀人民幣升值等，減低滬深A股升幅。令去年10月起下調幅度一定唔及1973／74年嘅恒指，至於時間要幾耐，往往事後先知，至今為止下調日子只得十個月，理論上仲未夠。1974年石油危機打擊肯定較呢次大（因為係第一次），加上恒生指數由1973年3月接近一百倍P/E回落到1974年 12月六倍P/E。反觀去年10月滬深A股P/E不足五十倍便回落，至於到底要跌至幾多倍P/E先見底？亦要事後才知。不過，可以肯定滬深A股已漸進入冬季，能夠捱過冬季者，便可迎接春天嘅嚟臨。到時春回大地，一切又改觀。

力不到不為財
中國平安保險（2318）總裁馬明哲年薪超過6000萬元，反而中國人壽（2628）總裁楊超只有199萬元；研究兩間公司最近業績公布，冇證據證明高層人士高薪，可令公司業績表現出色。

過去指出大學教授最唔適宜做聯儲局主席。呢次令人擔心嘅事係牧師身份競選美國總統；加上本周三奧巴馬宣布拜登做佢助手，上述決定令希拉莉感到好冇癮，有人甚至認為民主黨可能因此分裂。拜登嚟自特拉華州，1973年起已做參議員，依家主管美國外交關係委員會；佢亦曾支持殊仔出兵伊拉克。由一個今年六十五歲議員去做一個四十七歲未來總統嘅副手，上述配搭係咪有D搞笑？由過去表現睇，拜登幾自滿，經常認為自己高人一等，例如吹噓自己係Syracuse College of Law嘅高才生，事實佢只係全班八十五人中考第七十六，1988年曾競選總統失敗，今年欲東山復出只因選票唔足而喺初選中退出。佢主張把伊拉克一分為三（類似過去將韓國及越南一分為二。由佢地自己打自己，唔使威脅他人）。1979年亦曾支持卡達嘅伊朗政策，令伊朗皇朝倒台由家吓嘅政權取代，伊朗成為美國嘅敵人。拜登對奧巴馬嘅吸引力係支持打工仔階級，呢點同奧巴馬理念相同。將來如由佢主管美國外交，相信美國將重返卡達時代（被人當佢冇到）。假設未來美國總統係奧巴馬同拜登雙結合，睇怕美國唔單止係經濟上走下坡，喺外交方面亦走姑息路線，正好配合2000年起美國開始走下坡嘅大趨勢，或者呢個係國運，實在無可奈何。

未來三大因素決定股價：一、企業業績最基本；二、貨幣供應周期，即銀根緊或寬鬆；三、短期升降先係人心趨向。到依家都未見人行放寬銀根或減息，理論上股市只有繼續尋底。

反彈同當頭起有咩分別？一、當頭起升幅最少20%；二、一浪高於一浪（即喺次低點才入市）；三、50天移動平均線重返250天線之上；四、當頭起喺熊三出現後先出現（熊三P/E喺八至十二倍之間）。

利用上述幾點分析依家嘅形勢仍係熊二（因恒指P/E喺十二倍之上），理論上只有反彈而冇上升。客觀形勢係美國房地產狀況喺度轉壞緊。去年係防危機年，今年係小心謹慎年。

唔信美國樓價復甦前美股可出現牛市，港股有40%受美股影響，即係呢方面唔使諗，另外40%係受中國因素影響，中國GDP正進入增長放緩期；剩番20%先係本地因素。

如9月恒指再唔大升，恐怕第四季恒指20000點將失守。

末日博士麥嘉華近期分析能力唔錯；去年10月股市回落後，佢估計原材料價格今年下半年起回落，理由係全球流動性收緊，依家已證明佢嘅分析係啱。本周一佢再估計唔少商品價格跌幅約50％，部分跌幅家吓已超過50％，但商品牛市未死，經大幅下調後牛市持續。近日調整只係1980至99年或2001年商品熊市結束後出現七年牛市嘅中期性調整，估計明年起再上升。

Mohamed El-Erian之前協助管理哈佛大學350億美元捐贈基金，去年上升23％（賺咗57億美元）。今年佢專心寫When Markets Collide: Investment Strategies for the Age of Global Economic Change，呢本書主張喺新興市場股票投資最多唔超過總資本10％、其他OECD國家15％、美股15％（新興市場股票必須喺美國掛牌，代表該公司會計制度被一般性接納。P/E更要較過去五年P/E G為低，以免過度高估）。佢今年對新興市場股市睇得幾淡。

反而對地產及商品睇得幾好，佢認為最少應各佔總投資25％。


6月份出現190.6億美元資金淨流出，係中國資本流動首次為負數，為新近出爐嘅熱錢係咪正選擇流出中國？提供咗有力嘅證據。外滙資金大量流入，導致外滙存款大幅上升，不但加劇流動性過剩矛盾，亦加大通貨膨脹及資產價格上升壓力，唔排除未來可能出現集中流出而衝擊經濟嘅風險

隨住內地股市及樓市逐步冷卻，熱錢正逐步撤離呢兩大市場，轉而存入銀行賬戶，賺取升值收益。一旦人民幣升幅放緩甚至停止升值，呢D所謂熱錢就好快咁離開中國。
從外滙賬上今年6月起已出現負增長，代表國際熱錢自今年6月開始由中國境內撤退！7月中旬人民幣兌美元更進入下跌通道，進一步證明外資離開中國

以金價去劃道指，可見道指由1980年起步到2000年見頂，即上升四十倍後回落！商品股超級牛市喺2000年開始，ASX200 Resources Index 喺今年5月見頂，至今跌幅達25％，情況有D似2006年5至9月跌幅達24％或去年7及8月跌幅達19％。回落相信係受次按危機影響，令全球GDP增長率放緩（2006年5至9月嗰次係受制於美元利率見5.25厘），尤其係中國GDP增長率由去年高峰期11％逐步跌到只得8％，對商品價格產生一定壓抑作用。估計明年首季開始，商品價格又再止跌回升；反之，美股回落期相信只完成一半，估計喺明年年中前改變唔到方向。美股熊市喺2000年已開始，透過減息喺 2003年再回升；去年10月以指數計見新高，如扣除美元購買力，高位仲唔及2000年；情況有D似1966至82年，美股牛市由1982至2000年長達十八年；調整九至十二年係好正常嘅事。從信貸周期睇，儲蓄率要回升到佔收入8％，美股先見底（今年第二季儲蓄率佔收入2.6％）。

工行純利三年倍增唔容易
上任三年已令工商銀行純利倍增（工行唔係銀行仔，咁大間銀行純利上升一倍並唔容易）。請記住，喺惡劣環境下吸納優質企業乃投資成功之道。

去年8月20日港股直通車傳聞，令恒生指數喺十星期內上升55％，然後再用十個月時間將上述升幅抹掉，我地又再重返恒指20000點水平。假設冇直通車傳聞，今天恒指合理水平就係20000點。上述傳聞令投資者出現非理性亢奮後，理論上亦會引發非理性悲觀，各位宜小心。

奧巴馬開始提出佢競選總統嘅政綱。佢希望將資本增值稅由依家15％提升到28％；佢唔希望延長2001至03年殊仔嘅減稅方案（2010年到期），並取消 10.2萬美元FICA收入上限，即年收入10.2萬美元嘅美國人日後要多付7％稅，以及取消殊仔嘅股息稅減免措施……。換言之，奧巴馬如上台及實施佢嘅政綱，未來四年美國政府稅收可增加8500億美元，再加上提升最低工資法案對中小企業嘅打擊……。美國老左派思想抬頭去改變貧富懸殊情況，絕對不利投資者。

金價2001年9月開始復甦，今年8月進入上升第二波還是技術反彈？倫敦ETF上周持金量回升到一百八十萬盎斯，代表金價一旦低於800美元一盎斯便見需求回升。我老曹建議大家可逢低吸納，但見高莫追（金價上升反映人類對未來嘅恐懼，加上巴基斯坦家吓嘅局勢，可能再次觸發印度人買金）。

跌穿前低點唔代表熊三來臨
美股由7月15日至8月11日嘅夏日戀情結束（香港嘅夏日戀情更短，只有一星期，7月15日開始，7月22日已結束）。隨之而嚟嘅係三次打風，吹到本港投資者人仰馬翻。至於金屬及能源超級牛市係咪已喺今年3月及7月結束，抑或維持十三年，有待下回分解，今年港股贏家係嗰D肯Sell in May and go away者。熊市第一期由2007年10月30日31958點開始至2008年3月18日20572點結束，跌幅35.62％。熊市二期中最大一次反彈係 5月5日26387點，然後進入漫長熊市二期下跌浪（一浪低於一浪）。最近跌穿3月18日低點20572點，唔代表熊三來臨，只代表熊市二期浪頂係5月5 日26387點，响可見將來恒指再無法升穿26387點。熊市二期變幻莫測，除咗出現最大一次反彈（3月18日至5月5日）有一定可預測性外，其餘波浪再無法預測了。呢段日子，我老曹通常行使「忍」字訣。

美國由1982到2007年長達二十五年嘅財富創造期係咪到咗告別篇，一如1997年7月香港？當年我老曹撫心自問，過去三十年由只有5000元身家嘅窮小子變成今天嘅小富，到底係自己努力嘅成果，還是時勢造英雄？當年我老曹曾提出「黃金三十年」論，但有幾多人聽得入耳（不然亦唔會有咁多家庭陷入負資產嘅深淵）。我老曹認為，「三分努力、七分天意」，1968年如非誤打瞎撞入咗股票呢個行業，又如非父親早死令自己陷入少年窮，1967年可能已去咗加拿大讀大學。1969年如非自己冇錢拍拖希望寫稿賺外快，便唔會認識山木兄…。1997年如非面對人生交叉點，而作出投資倫敦嘅決定，便逃唔過一劫，2000年又何來資金投資黃金、資源股及其他？2007年9月面對港股直通車嘅消息又再出現困惑，四大銀行點解只有中國銀行有份？全國咁多大城市點解只係天津？中央政府點樣控制內地資金淨流出？港股直通車壓力下，A股豈不是將大跌？再加上美國次按危機爆發，我老曹便決定「三七」分（即70％改揸現金，只留30％股票）。

成為「策略投資者」
1997年起我老曹已放棄價值投資法（Value Investing），理由係咁多大行研究，自己仲有乜真知灼見？因此唔再相信Buy and hold策略。其後漸漸相信動力投資法（Momentum Investing），背後理念係相對強勢（Relative Strength）便擇肥而食。當金價跑贏股市、當資源股跑贏大市時，只買強勢項目（外國叫牛眼投資法）。2006年6月起內地A股轉弱為強，便投資紅籌、國企；2007年10月內地A股轉強為弱，便放棄紅籌、國企。賺快錢唔賺慢錢，賺大錢唔賺小錢（Fast and big, not slow and small），賺錢速度太慢及太小，寧可唔賺。賺快錢及賺大錢嘅力量來自知識與分析，when to buy, what to buy, How much to risk, when to sell.（何時買入、買什麼、風險多大、何時沽出。）如今我老曹已成為「策略投資者」。

中學時期物理學老師都會出呢條難題畀大家：浴缸容量六十加侖已裝滿水，水由水喉以每分鐘「X」加侖速度注入，但同時以「Y」速度流走。請問要幾多時間浴缸嘅水先至全部流走？我老曹曾認為出此問題嘅人一定係白癡，點解一方面開水喉、一方面又畀D水流走？關咗水喉唔係水流走得更快咩？今天發覺貝南奇同我地正喺度玩緊呢個遊戲。因股價由P/E決定，A股市價幾多？以每股賺1元，P/E十倍計，市價10元。如A公司純利每年以20％速度上升，同樣今年賺1元，我地願意畀20元購買，理由係A公司增長率（G）高。今年A公司受環境影響純利只上升10％，即由每股賺1元上升到每股賺1.1元，A股股價便由去年20元跌至今年11元（因今年我地只願畀十倍P/E去購買低增長率嘅股份）。換言之，一旦A公司純利升幅由去年20％下降到今年10％，A股價便由20元跌至11 元，下跌45％。呢個就係經濟增長率放緩嘅代價。

決定幾多倍P/E，除咗G外，便係R（利率）。例如中國GDP增長率由11%下降到未來8.5%。假設純利升幅由去年20％下降到今年10％，理論上股價要跌番45％（由二十倍P/E下降到十倍P/E），如利率同時由5.25厘降至2厘，跌幅61.9％，利率因素又令今年P/E向上（因10萬元放喺銀行每年過去收息5250元，你嘅投資欲自然下降，今年10萬元放喺銀行每年只收息2000元，你嘅投資欲自然上升）。如利率下降61.9％，理論上可將P/E 倍數推高31％。今年利率降至2厘後，每股純利1元，公司雖然純利上升10％，你唔會只畀十倍P/E而係十三點一倍P/E。今年股價唔係由20元回落到 11元，而係只回落到14.4元。雖然純利升幅放緩同時利率下降，低增長率壓力部分被抵銷咗。

功效已見底
美國企業40％純利嚟自美國以外嘅地區，利率下降令美元滙價下跌，令40％嚟自美國以外地區嘅純利因此上升多20％。令今年純利升幅唔係由20％降至 10％，而係由20％降至14％（因來自海外地區純利因美元下跌而上升）。咁樣P/E只由二十倍降至十四倍，因每股盈利由1元上升到1.14元，令股價只由20元回落到15.96元。再加上利率因素，今年股價甚至可以見20.75元，即與去年高價接近。

換言之，當企業純利升幅下降，聯儲局透過減息令美元滙價回落；兩大因素可令股市唔跌（除非純利增長率唔係由20％降至10％，而出現負增長，先可令股市下跌。例如1974年美國企業純利下降40％，雖然利率大幅下降，但P/E仍由1973年十四倍回落到1974年12月六倍，因企業純利出現負增長，引至美股1974年大跌）。

今年透過減息及美元滙價下跌，而令美股P/E仍可企喺十五、十六倍之間（一如浴缸水流失之時，你無法阻止水流失便放水入浴缸。雖然流入速度唔及流走速度，但可延遲浴缸冇水時間）。

去年9月至今年4月透過減息及美元滙價回落，令美股P/E只由去年二十二倍只下降到十五、十六倍。如明年經濟復甦企業純利升幅回升，更冇問題。點解今年5 月起股市又再跌？因為擔心明年經濟同今年一樣，企業純利只上升10％。明年冇減息及美元滙價回落因素支持，美股P/E將由家吓十六倍下調到明年十倍嘅話，未來美股便有25％以上下跌空間。

上述原理亦係滬深A股跌幅咁大嘅理由。A股去年純利升幅達50％，令P/E達四十五倍。今年純利升幅降至20％，令P/E由去年10月四十五倍降至目前二十倍。即去年每股賺1元嘅公司每股可以值45元（P/E四十五倍），今年每股賺1.2元就只值32元，跌幅只應該係28.8％，但同期利率上升及人民幣滙價升值；結果令跌幅擴大到60％。如明年純利升幅連20％都冇，令P/E由目前二十倍走向十倍嘅話，除非明年中國大幅減息去抵銷上述壓力，唔係A股下調壓力仲好大。

依家利率上升不但只有金磚四國，仲有中東、南韓及拉丁美洲等，即大部分新興國家仲未成功控制通脹率。呢D國家不但需面對美國及歐洲經濟增長放緩，同時亦面對國內通脹壓力，即貨幣面對外升內貶嘅問題（人民幣兌美元升值，喺國內購買力卻下降）。形成咗新興國家股市跌幅反較OECD國家大。

相信恒指繼7月16日之後出現另一隻腳（熊市二期有好多隻腳）。有人認為股市開始進入熊三，我老曹認為有排都未到。熊市二期往往喺你冇信心時反彈及充滿信心時回落，令你對自己嘅判斷力冇晒信心為止，家吓距離上述嘅日子仲遠。喺熊市二期每次指數創新低係入貨訊號而唔係出貨訊號。作為投資者最需要係耐性，呢次次按危機所造成嘅傷害及復元期要較大部分人估計嘅長。

政治上有D人物出現後改變咗經濟大方向，例如1933年羅斯福嘅新經濟政策（New Deal）令美國經濟進入凱恩斯時代；戴卓爾夫人及列根總統又帶嚟供應學派；1978年鄧小平嘅改革開放政策改變咗全球經濟面貌；其他好似卡達總統委任雪茄伏出任聯儲局主席亦治好咗六十年代因越戰而引發嘅美國通脹，格蛇接手後蕭規曹隨直到2001年「九一一．慘劇」後，先放棄呢個政策令通脹率死灰復燃。

鄧普頓資金管理公司主席Mark Mobius認為，商品只進入調整期，除非中國及印度陷入經濟衰退，商品牛市先死亡；否則遲早將商品價格推至新高。Royal London Asset Management分析員Robert Talut認為，未來五年供求雙方都好大，形成商品價格將大上大落，再唔係以前嘅直線上升。

四川災後重建未來三年需要三億七千萬公噸水泥，以及三千七百萬噸鋼鐵（去年中國全國出產水泥十三億三千萬噸，鋼鐵四億八千萬噸），費用大約一萬億元人民幣，地震移平咗四川二千九百萬方米建築物，上述因素保證未來三年內地水泥廠及鋼鐵廠開足工。中國已成為全球最大資源需求國，佢支持住油價、鐵礦沙價、煤價、水泥價甚至銅價。如果由咁嘅角度睇，今年3月金價及7月油價回落可能只係大調整而唔係熊市開始。

難論未來商品價
從另一角度睇，1999年科網股市值佔美國所有上市公司總市值6％。科網股泡沫爆破卻可令美國股市一直跌到2002年10月；去年8月次按只佔美國證券化按揭貸款14％，爆破後威力會點？科網股令美股回落咗兩年半，次按危機結果又會係點？
商品價格今年7月見頂回落定係調整後再升？唔係依家下結論嘅日子，只好見步行步。

二十五史

對沖

內地基建隨時減速
外需大幅度下滑引發中國經濟增速放緩，估計今年第一產業升幅只有3.5％,第二產業今年第一季較去年第一季下跌，主因受雪災影響；第二季逐步改善又受到煤電油運供應緊張鮋瓶頸約束；第三季面對歐美訂單減少。甚至第三產業增幅亦只有10.6％，較去年低2個百分點。外需下滑及內需面對通脹壓力，無法大幅上升；未來如外需繼續下滑，依家政府大量投資鮋基建項目亦需減速，以免搞到尾大不掉。因為投資基建項目鮋目的，係為咗加強出口競爭能力。如果出口增幅持續下滑，明年鮋基建投資亦需減慢先得。

另一個令人擔心係由深圳開始鮋樓按斷供潮暗湧，正向其他大城市擴散。家吓全國只有深圳及東莞樓價較去年8月高峰回落三分一，其他城市鮋情況唔算嚴重。

次按做教材
我地成日聽到對沖（Hedging）呢個字，但唔少人仲唔知對沖係乜，只知係同時買入及拋空某D股份；為增加大家對對沖鮋認識，我老曹就以去年次按危機為例，解釋對沖鮋運作。

去年8月次按危機出現，聯儲局為金融體系注入資金以免情況惡化；9月開始到今年4月聯儲局把美元利率由5.25厘降到2厘，面對上述鮋情況身為對沖基金經理應該點做？

一、假設次按危機惡化，歐美銀行股同金融股股價必然大幅下跌。第一個做法自然係拋空歐美銀行股同金融股。假如次按危機冇估計中差，銀行股同金融股反因聯儲局減息而上升咁點辦？基於以上假設，去年9月對沖基金不但大量拋控歐美金融股同銀行股，同時買入咗大量中國內地銀行股同金融股。理由係：甲、如果次按危機惡化，歐美金融股必首當其衝，內地金融股必係受影響最少者，跌幅自然唔及歐美金融股。如拋空歐美金融股，買入中國內地金融股，只要歐美金融股跌幅大過內地金融股已可賺大錢；乙、如果美國減息令全球金融股上升，唔受次按影響鮋內地，金融股升幅一定較歐美金融股大。因此，對沖基金去年9月起便喺歐美建立空倉，喺香港建立好倉。此乃9及10月港股內地金融股突然大升鮋理由。今年7月14日美國證監處立例禁止「裸空」至8月13日止，對沖基金被迫喺呢段日子補回去年9月拋空鮋美國金融股，同時拋售响香港上市內地金融股，面對巨大外資拋售內地金融股壓力加上「外資」大量流出（因平倉），造成7月15日港股下跌。上述對沖行動叫做跨境對沖，即同時拋空歐美金融股及吸納香港上市內地金融股，亦係最常見鮋對沖行為。

二、次按危機出現，聯儲局減息必然引起美元滙價回落，商品價格上升。進取型基金經理去年9月大手拋空歐美金融股並將資金用作購買商品期貨（尤其係原油）。呢類對沖行為叫做跨行業對沖，但風險極大，因一旦睇錯市可以兩頭輸。如果睇啱就左右逢源賺到笑，形成資金喺去年9月由股市流向商品期貨。上述鮋對沖行為亦因美國證監立法阻止無貨拋空而被迫平倉，形成歐美金融股股價急升，相反原材料價格尤其係期油就急跌。

去年9月對沖基金拋空歐美金融股，買入本港上市鮋內地金融股；進取對沖基金拋空歐美金融股，呢D買入商品期貨行為，叫做建立長短倉。今年7月14日至8月 13日受法例所限而平倉叫做Unwind。Unwind引發香港鮋內地金融股、油價及商品價格受壓，而美元急升，相信Unwind到8月13日已完成，但唔代表對沖基金從此睇好歐美金融股（記住只係平倉）或睇淡內地金融股（都係平倉啫），更加唔代表睇淡商品期貨及睇好美元（兩者都係平倉）。進入本周，大部分對沖基金position應該係square（中文好難譯，意思係獱空倉及好倉皆唔多）。下一步點，則謀定而後動，估計全世界金融市場開始靜番落嚟；明白對沖行為後，可較了解近期一連串發生鮋事，而唔係咩睇好美元、睇淡期貨等。

只喺香港進行較小規模鮋對沖行為，例如去年9月起拋空內房股，買入本港地產股。因為內地人行一再抽緊銀根及加息，內地房地產遲早下跌；去年9月起香港因追隨美元減息，香港房地產必上升。上周五內地官員講話及人民幣滙價連跌十一個交易天，睇嚟內地利率再上升鮋機會唔高，內地銀行存款準備金率再上調鮋機會唔大；反之香港卻有加息壓力。本周開始自然買番內房股，沽售本港地產股平倉。呢段日子內房股跌幅較本港地產股大好多，亦係賺到笑。上述係十分粗簡鮋對沖行為，但一般散戶做唔到，因無法借貨拋空，但最低限度亦應該知道人地喺度做緊乜，唔好一見買盤便以為睇好、一見沽盤便以為睇淡咁無知。

6月份中國電力消耗只上升8％，咁樣計中國GDP增長率放緩速度好快（中國電力消耗乘1.2係中國GDP增長率），隨着城市人收入升幅放緩及股市產生負財富效應，擔心今年第四季開始內地消費升幅亦減弱，令內地銀行股、電訊股及零售股前景蒙上陰影，但呢D皆同奧運後無關。

中韓均有熱錢流走

A股點會死
北京奧運基礎建設費用400億美元，分四年搞掂，中國政府喺過去四年每年用喺北京奧運鮋費用只及全國GDP 0.3％；因此，既冇奧運前效應亦冇奧運後效應。北京人口佔全國人口1.1％及佔全國GDP 3％，所以亦冇溢出效應（Spillover effect）。何況去年至今人行已十次調升存款準備金率及六度調升利率，家吓銀行存款準備金率上調到17.5％鮋歷史新高，引發企業獲利減少、A股暴跌及房地產泡沫爆破；加上去年10月美國次按危機，令中國工業利潤成長率今年上半年得21％（去年同期係43％）。政府管制價格令煉油部門、發電廠及唔少公共建設部門都出現蝕錢，盈利率下滑必然衝擊A股，政府選擇唔救市，畀A股O由偏高跌番去合理水平。由於中國股市槓桿投資操作唔多，私人投資者亦好少借錢，甚至大企業亦未必需要喺股市籌集資金，除咗投機性買入者損失慘重外，對整個社會衝擊唔大（2006／07年暴升，帶嚟去年10月後暴跌啫）。何況中央政府有足夠工具阻止股市同房地產進一步下跌，例如減息及放寬銀根，政府至今仍冇咁做鮋目的係約束上市公司肆無忌憚鮋圈錢行為、向唔負責任鮋上市公司Say No去增加證監會鮋稽查力量、防止內幕交易成為主流及解決大小非減持壓力；情況好似1973／74年鮋港股，冇呢次熊市鮋洗禮，香港投資者亦唔會咁快成熟。呢D大小非流通股利用十股送三股對價便取得流通權，甚至唔使對價亦能流通，徹底破壞咗市場鮋估值體系。上述鮋問題可以拖得一時，但唔可以拖一世，只好承認現實畀佢地流通，以及畀滬深A股痛痛快快咁跌一次，先係走向市場化鮋正確方法。限售股與流通股同股唔同權及同股唔同價鮋問題遲早要解決；市場不應要求限制大小非流通，點解唔痛痛快快一次過解決晒D問題?!香港1973／74年股市曾下跌93％亦死唔去，何況係滬深A股至今跌幅只係60％？

8月13日出台鮋最新貨幣信貸及外滙儲備數字，證明咗熱錢由中國境內流出，股市繼續面對衝擊係無可避免、人民幣滙價受壓及房地產亦避唔到，滬深股市開始由深秋走向寒冬。銀河證券首席分析員左小雷今年2月估美元下半年走強及熱錢流出中國，加上本周一開始大小非加快減持，衝擊波好大。不過，只要捱過寒冬，春天仲會遠咩？

1980年起全球化一直為世界經濟提供巨大紅利，令各國克服國內資源及市場錯配問題，實現資源喺全球範圍內最優配置。隨着全球化深入及瓶頸漸露，過去唔少國家擁有大量低成本勞動力供應及大量廉價資源鮋時代已結束；反而全球流動性過剩變成國際游資到處投機炒作，令貿易保護主義又重新抬頭。全球化黃金時代結束及惡果逐漸浮現，摩根士丹利6月出台鮋報告擔心潮流開始逆轉；長達二十五年鮋歡樂時光進入告別篇。美元由全球股市及房地產市場回流番美國，估計至10月都係美元強勢期；黃金喺1032.7美元見頂，金價下跌21.89％；白銀喺21.36美元見頂，價格已回落33.62％，熊市訊號已十分清晰。各位可嘗試捉住下跌中鮋刀，上述唔係我老曹鮋嚐好，個人意見仲係利用每次反彈作減持（如各位仍持有大量貴重金屬、資源股同能源股鮋話）。事關美滙指數仲未升穿78 點，仍有爭拗。

由美國次按所引發鮋衰退喺明年年中前唔可能完成。歷史話畀我地知，標普五百喺經濟見底前四個月回升，即美股最少回升四個月，美國經濟先有可能見底。喺美國金融股未見底前，全球經濟唔可能回升。

再睇睇十年期債券與三十年按揭利率關係。去年5月兩者相差係1.37厘，家吓係2.53厘，過去平均數係1.68厘。即依家為樓按搵買家較一年前要畀多D息，代表買家唔願購買樓按債券，喺咁鮋情況下，樓價點樣見底？

有智慧不如趁勢，勢起時加入，勢盡時退出（寧買當頭起，上升15％時不妨加入；莫買當頭跌，回落15％時不妨退出）。

曹仁超 - 熊市特點及辨別方法, 銀行資產負債

今年證明對 Traders而言係極難賺錢鮋一年；VIX（Market Volatility Index）亦失準。相信係2002年後首次面對咁鮋惡劣環境，通常喺事情轉好之前表現往往更壞，情緒走向極端事前好難捉摸，當愈嚟愈多人認為股市難玩時，極有可能引發惡性拋售，一般散戶喺呢段日子最好持盈保泰，至於有虧損者大多賴股市難玩；踏入熊市二期係孖展客大量減少借貸鮋日子，形成股市成交額漸減。加上7月及8月乃傳統暑假，投資者亦趁機會放假。

熊市二期仲未完
熊市一期通常喺非理性亢奮期出現，例如去年10月30日恒指31958點；一般跌幅大而且急，主要由獲利回吐造成。差唔多所有股票皆跌只有極少數例外。成熟市場好似英美，熊市一期通常只有三個月左右，例如今年1月見底；香港呢類半成熟市場，拋售潮長一點，但好少超過六個月，今年3月18日完成熊市一期，進入熊市二期。

熊市二期特色係投資者認為熱門股已拋售過分，加上經濟本身仲未轉壞，令資金大量流向熱門股，引發熊市中最大一次鮋反彈，例如今年3月18日至5月5日 26387點，反彈幅度達28.27％；熊市二期反彈另一特色係集中喺熱門股，二線股反彈幅度反而好有限；喺正常鮋情況下，熊市二期內有三次到六次反彈，時間較熊市一期長。我老曹認為，3月18日起熊二至今未完成，熊二較大部分人估計鮋仲長。

牛熊市乃道氏理論，只係好簡單咁分成三期而冇其他附件。由於比較主觀，後人加咗其他方法去協助分辨牛熊市。方法有：一、指數如下跌20％或以上係熊市機會高達75％。利用上述鮋理論，恒指喺去年12月跌穿25566點（由高峰回落20％），便確認係熊市；二、移動平均數法。即50天線移動平均數跌穿250 天（喺外國係200天），亦係另一確認熊市鮋方法，準確度達80％；三、波浪理論法，即一浪低於一浪。如恒生指數跌穿前浪（3月18日20572點）才確認。呢個係家吓仍有人認為唔係熊市鮋理由；四、三分一法，即2003年4月至去年10月恒指升幅三分一失守。由2003年4月25日恒指8331點升到去年10月30日31958點，一旦恒生指數低於24083點，便確認係熊市；五、根據P/E理論。牛市通常喺P/E二十二倍以上結束、熊市通常喺P/E八到十二倍才結束。熊市三期另一現象係熱門股下跌，二線股唔跌（因熊市二期中二線股係咁跌，到咗熊市三期佢地跌無可跌）。換言之，熊市三期恒指P/E只有八到十二倍，同時熱門股係咁跌而二線股唔跌先係入市時機。呢個情況依家都未出現，因此仲係熊市二期。

熊市有幾長？最短三個月（例如1987年10月到88年1月），最長十三年零四個月（例如日本1990年1月到2003年4月），要事後先知。


1966至82年美股熊市共十六年；1990至2003年日經平均指數熊市超過十三年；香港1967年股市起步到1973年見頂後亦上落好幾次，另一牛市喺1983年先正式起步，呢段上落市亦長達十年（1986年才打破1973年鮋高點）。

上次商品熊市由1980年開始，喺2000年結束時亦長達二十年。呢次牛市係咪喺今年7月結束？要事後先知。

1929到32年美國華爾街危機後，到1937年一個全新鮋美國由大蕭條中冒起，準備日後管治全世界。鄧普頓1935年開始投資美股，當年佢鮋名句：「牛市喺最悲觀鮋日子誕生、喺懷疑期長大、喺樂觀期成熟、喺亢奮期死亡！」


投資利潤可以無限大，但虧損15％要止蝕，極限係20％。唔使怕波幅，波幅愈大，機會愈多。世上冇一帆風順鮋致富法，卻有點樣將驚濤駭浪生存法。唔好將1 萬元變成2萬元，呢個係小孩子遊戲，諗諗點樣將1萬元變成100萬元，甚至1000萬元。年輕人應有冒險精神，但响出發前先好好裝備自己。如果連太平山頂亦未上過，又點可以爬喜馬拉雅山？切忌志大才疏，欲登喜馬拉雅山前必先鍛鍊自己；世界上充滿機會（1967年唔少親戚及朋友話香港冇機會而去咗多倫多，事後證明佢地係錯；1982年D同學話香港冇機會又證明係錯；1989年連至愛鮋親朋亦話香港冇機會，同樣證明佢地係錯）。平均每個月出現二至五次機會，問題係你要把握得到。例如7月份拋空石油期貨，你話可以賺幾多？








所有銀行資產負債表都係一邊係資產，另一邊係負債。只要資產大過負債便叫有償債能力（Solvent），反之叫冇償債能力。做到呢點鮋方法有：一、資產同負債不斷咁上升；二、資產及負債唔升；三、資產跌價及負債減少。依家歐美各大銀行鮋處景係資產跌價但負債冇減少；為防止銀行陷入冇償債能力，另一方法係增加股本（供股或發行新股），咁樣股數便漸增，每股獲利能力漸減，令每股市價下調。TAF（Term Auction Facility）還債期雖然由二十八天改為八十四天，上述公布只係將短期負債轉為中期負債，仍然係負債並唔係資本，而TAF息率較貼現率2.25厘及聯邦基金利率2厘高；作為銀行自然免得過當然唔借TAF。要動用TAF鮋銀行財政狀況起碼唔健康。

六招揀股／馬策略
一、唔好場場賭；有心水先賭，冇心水就唔好賭。

二、跑第一叫Win、跑第二叫Place及跑第三叫Show，其他唔使理。跑馬嘅目的係一場馬中點樣揀出第一、二及三；股票亦一樣，要買就買龍頭股，其他唔使理。

三、揀贏出嘅馬難，揀會輸嘅馬容易；一場馬如能剔除50%跑唔出嘅馬，你便贏梗。其實買股票何嘗唔係咁呢？森池兄亦經常喺恒指成分股中揀其中一半投資；策略就係嚟自呢位大馬主。

四、大熱唔買、大冷唔買。賠率少於一點二倍唔買，賠率大過一點五倍唔買；因為大冷經常跑唔出，大熱亦經常倒灶，最好買半冷門（即中價股）。

五、孖T唔買、三T唔買及過五關者唔買，因為贏面極低。上述只係博彩唔係分析；換言之，期指、期權及衍生工具贏面不及股票。

六、Do your Homework。例如睇晨操、研究馬匹嘅狀態、品種及脾性等，唔同嘅場地及天氣往往有唔同嘅結果。

上述六招賭馬法係咪有用，唔清楚，因為1971年第一次輸錢後我老曹便冇咗興趣，反而將賭馬嘅策略用喺買股票上，卻發現幾有用。

據香港聯交所數據顯示，摩根大通與摩根士丹利在7月底的兩個交易日集中大規模減持中資股。摩根大通於7月29日罕見性地大舉減持了9家中資股票，總共套現超過28億港元。摩根士丹利的大規模減持行動則集中在7月30日，該機構當日減持了中國建材、中煤能源、東風汽車、國美電器以馬鋼股份等多隻中資股。

據香港聯交所數據顯示，摩根大通於7月29日以15.2港元的均價減持了583.32萬股鞍鋼；以16.58港元的均價減持了403.18萬股富力地產；以13.46港元的均價減持了3486.88萬股兗州煤業；以45.64港元的均價減持了285.2萬股海螺水泥；以19.39港元的均價減持了 1971.89萬股中國遠洋；以28.98港元的均價減持了2527.46萬股中國神華；以14.71港元的均價減持了4214.61萬股中國交通建設；以2.84港元的均價減持了2525.69萬股中海集運；以4.78港元的均價減持了5118.2萬股大唐發電。7月30日，摩根大通分批減持中國人壽 2506.88萬股及7657.72萬股，當日還減持了1.699億股中國石油，減持后好倉持股比例由5.33％降至4.53％。

摩根士丹利則於7月30日減持了105.28萬股中國建材，440.15萬股中煤能源，173.08萬股北京首都機場，17.8萬股東風汽車，100萬股國美電器，67.9萬股馬鋼股份，49.08萬股富力地產，620.47萬股廣深鐵路，11.7萬股中國高速傳動。該集團7月29日還減持了馬鋼股份 108.15萬股。

分析認為，海外機構近日的大規模減持主要是因為他們對短期港股的走勢仍不樂觀所致，所以趁港股超跌反彈的時機套現。雖然目前港股市場上的大部分中資股的估值已經趨於合理水平，但是市場擔憂未來該類企業的盈利能力將會受到影響，而近期市場上將持續有上市公司公布低迷業績，因此對中資股未來的表現仍不樂觀。

這是大熊的開始, 理由如下, 簡單易明, 除非爆升好多令指數逆轉, 而再長期企於60周線以上, 否則有貨者必死, 大膽d 講句, 就算#5都係 (人人都覺得一樣野好時但市升佢唔升, 市跌佢仆直, 市場是否真的長期沒有效率呢?)
長線投資者加上其他數據如rsi, macd, 及當時基本因素是否開始預期轉好而決定入市.

有一個日子, 金星和太陽成30度角
29-09-2008至03-10-2008

當金星和太陽、水星在相同宮位或和太陽成30度角時。或金星和太陽在成45度角附近 ， 大市就在低位，跟住向上回升；或在主要高位，跟住向下回落。

Invest because of China, but not in China！（投資係因為中國，但唔係投資中國。）

展望股市，我老曹仍認為係熊市二期，極之波動，作為投資者必須好好控制自己嘅情緒，莫太喜亦莫太悲。股市必須吸啜大量嘅投資者入市，然後先至出現另一次嘅大屠殺。作為投資者必須脫離恐懼與貪念，以及希望與歇斯底里四大情緒先可以成功。每次高潮過後，舊領袖股必死亡，喺新領袖股誕生前，大市死氣沉沉。

至於滬深A股熊市可能喺2008年年底或2009年上半年結束，並進入漫長嘅牛市，因為未來有三億至五億嘅中產階級人口喺中國出現，2008及09年只係青黃不接期。

直到經濟衰退真正出現時才全身投入。短期而言利用熊市二期中嘅反彈賺少少。直到熊市完成日，先係賺五倍到十倍利潤嘅時候。

反轉與反彈的不同

反轉與反彈的不同

反彈與反轉是股市中經常爭論的話題，識別兩者之間的差異，對於研判大市致關重要。

一，首先要看底部構造的是否充分。
大盤經過大幅下跌後，成交量長期低迷。股價已經跌無可跌，市場對利多和利空已經麻木，在多次利空的打擊下，幾次探底，但下跌動力明鮮不足，無法再創出新低，底部形態明鮮，這是反轉的首要條件。而反彈是在下跌趨勢裡的一種技術性回補，反彈的底部構造不充分。

二，從成交量上看，是否“量能充分”。
如果是反轉的話，大盤在築底完成後，向上突破時，成交量成倍放大，而且連續放出巨量，此時的量應當接近或超過上一波行情頂部的量，從底部向上突破時的量越大，說明量能越充分，反轉的可能性越大，而反彈的成交量較小，既使放出巨量，但巨量不能連續放出，無法維持量能，說明多頭後續能量不足。

三，從領漲板快上看，大盤是否有“做多的靈魂”。
反轉行情中，必需有“能夠被市場認可”的並且能激發人氣的領漲類股。在反轉行情裡有一大批強勢股屢創新高，高價股的火爆，能夠起到示範效應，使市場的整體價格重心抬高，將上昇空間完全打開，大盤的題材連續，而且持續的時間較長。反彈行情中，題材雜亂無章，而且不連續，缺乏帶人氣的領漲類股，行情屬於超跌反彈的性質。

四，從主力的做做理念上看，是否推陳出新。
在反轉行情裡，市場會形成一種“全新”的投資理念，同時還會有一些全新的題材和概念。而反彈行情裡，缺乏新理念和新思維，反彈時市場只是在重覆過去的一些陳舊的題材和概念。

五，從技術上看，短，中，長期均線是否形成“多頭排列”。
反轉行情中，大盤的斷期均線上昇的強勁有力，中期均線緊隨其後，長期均線開始拐頭向上，短中期均線有效穿越長期均線，形成黃金交叉，大盤的整體均線系統構成“多頭排列”。在反彈行情裡，短中期均線雖然拐頭向上，但長期均線仍然保持一定的速率向下運行，而且短中期均線無法有效穿越長期均線，反彈行情一般在長期均線處遇阻，成交量萎縮，加權無力有效突破長期均線。

六，從基本面上看，是否有支撐一輪大多頭的環境。
反轉行情中，基本面會發生根本性的變化，各種因素都支持股市走牛。而反彈行情裡，基本面沒有根本性的變化，甚至基本面還在繼續惡化。

七，從資金來源上看，是否有大量的新資金進場。
主要標誌為：新小散戶是否紛紛進場。反轉行情裡投資者的隊伍不斷擴大，場外資金大量進場，多頭有強大的生力軍做後盾，而反彈行情裡，進場的新小散戶不多，行情主要靠場內的存量資金維持。

2002年開始嘅呢次牛市，美國大企業股大大跑贏細價股【圖一】；如過去歷史有參考價值，下一輪升市應係細價股領先而非大企業。換言之，今年7月開始，港股玩細細粒容易食機會好大，各位不妨開始喺二線股市場玩尋寶遊戲。今年3月起港股進入熊市第二期，再唔係the good，亦唔係the bad，而係the ugly！恒生指數响20000到26000點之間上上落落，接近20000點水平時對壞消息反應唔大，接近26000點時好消息亦唔發生作用，令揀股更形困難。

7月16日恒指由20988.74起步，如回升到5月5日26387點前跌幅61.8％，可見24313點！五窮六絕七翻身，即7月16日起嘅反彈至今仍未完成，8月份後市繼續睇升。



8-10月1大小非流通股一旦解禁，將令股票供應量上升兩倍！

止蝕唔止賺，任何股價由高位回落15％便止蝕（令虧損局限喺20％之內）；此乃牛眼投資法。

依家四金磚國如俄羅斯嘅CPI升幅達14％、印度12％、中國8％、巴西6％。為阻止通脹率惡化，四金磚國必須採取緊縮銀根政策，情況有如七十年代後期嘅OECD。最後由雪茄伏搵到辦法，就係將利率保持喺CPI升幅之上2厘。

換言之，依家印度8厘息仍不足以阻止CPI上升，更加唔好話中國。