玄疑問題, 為何股市先過經濟1-2季? 樓市半年?

玄疑問題, 為何股市先過經濟1-2季? 樓市半年?


好似上次sars 2003 4月25日 8331點係最低位, 個時sars爆發中, 仲未可以有方法搞掂, 但股市已經一早開始日日升, 好似預知最終事件會解決咁已經升定先.

SARS事件
http://zh.wikipedia.org/wiki/SARS%E4%BA%8B%E4%BB%B6


奇怪唔通大戶佢地果一刻一早知事件最終會解決? 看圖成交量3月開始上升, 好明顯有人開始偷步入貨, 4月出事時都唔肯跌, 果班人唔通有預知能力, 所以先坐定定等升? 一般人正常係冇可能會向果時入貨的. 萬一果時香港控制不了病情下場仍未可知...

"6月23日，WHO將香港從疫區中除名。"
果時已經由8331 升到9935. 果時已經升了很多, 但散戶敢追嗎? 就算等到04年回時, 都未有番去9935.

大膽d 講, 一係就果班人有起碼幾個月的預知能力, 一係就係用占卜星體運行的測市方法如江恩理論, 周期理論等神秘的預知方法, 所以先可以向果時收貨.

第2次世界大戰時又係咁, 正邪勝負都未可知時, 股市又先見底, 到底係點解呢?

股市真蹄

股市真蹄

股市真蹄...並不是人隨便可以控制...不要像D人在睇錯方向時賴D大户做市...咁無知...因為今次大户好多都是後知後覺...


股票價格預測的原理，是基於假設股票價格不是隨機的。通過反復觀察圖形和抛物線圓弧，能夠在任何圖表裏直覺地看到這個假設。時間週期迴圈也以不可思議的規律性再現。原因尚不為人知，但是有些人推測，它是人類天生的生物鐘，或者本質上與行星有關，因為大的行星運動與股票走勢是高度相關的。近期的研究指出，從行星發射電磁波，且時間系統和地球的公轉受行星影響而調整之間引發的衝突，與收音機調到某個頻道具有相似性。在正確的頻道上，電磁強度是最大的。在股票市場上，就是我們看到伴隨著大成交量的市場反轉時刻。這個理論也許永遠不能被完全證實，但是就像重力依然不為人知一樣，我們仍然能夠做出合理的假設和計算，這將在投資上很有幫助。這些能量，無論其什麼來源，顯示在圖形上，這些有規律的形態能夠用數學和幾何學的方法巧妙地處理，給我們提供市場交易的轉捩點 。

1932年7月19日道指亦只低於200天線34.5％，今年11月21日道指7449點亦拋離200天線約34.5％


各位請睇附圖：2007年10月11日道指由14198點跌至2008年11月21日7449點，跌幅47.53％，已十分接近美股响1973年1月11日至74年石油危機嘅跌幅及2000年3月9日至2002年10月科網股泡沫爆破嘅跌幅【圖】。1929年道指下跌 49.9％後，亦大幅反彈40％後才再回落，有得博也。

上周五道指出現高低腳，恒指亦出現高低腳（即10月27日10676與11月21日11814點），滬深指數更升穿下降軌，都支持一次強力反彈在眼前

恒指P/E進入熊三水平
後市展望：一、短期因太多人睇淡引發反彈，情況一如10月27日。二、恒指P/E已進入熊三水平（八倍以下，雖然最低可見六倍）。三、股市走喺經濟之前三至九個月，當經濟出現最惡劣日子前，股市早已見底。四、預測非我老曹專長，而且一向反對做預測，因為預測唔係可靠指標，如你睇啱便賺錢，睇錯便輸錢。因此，現階段仍然只宜動用全部資金30％做買賣，因為只係牙骹戰。

如果今天你已跌落水，可以做嘅事有：A、放棄掙扎而浸死，從此out咗。B、努力保持自己喺水面等人救（當然未必等得到，但較放棄好）。C、學習某君咁，向有燈光嘅地方滑浪（surf），最終响香港上岸。

1966年1月18日道指首次升穿1000點後，結束由1932年開始嘅超級大牛市，歷時共三十三年。喺往後跌市中，道指最低係1974年12月初見577.6，而真正牛市要到1982年8月，道指才响776.92起步；調整市前後共十六年（呢段日子金價由每盎斯35美元升到1980年1月850美元，喺1982年8月再次跌穿300美元）。如以金錢購買力計，美股並非由1966年1000點回落到1982年8月776點，下跌22.8％，因1982年美元購買力只及1966年十分之一，所以實際上美股跌幅十分大。1982年8月道指由776.92上升到2007年10月 11日14196點，歷時整整二十五年，雖唔及1932至66年嗰段日子長，但未來熊市日子應唔會短。1966年1月18日至1974年12月初，道指下跌42.24％之後反彈。如上述有參考價值，2007年10月11日下跌至2008年11月21日7449點，跌幅47.59％，相信已差唔多，未來走勢可能一如1974年12月至82年11月21日，即整整八年就在577點之上、1000點之下牛皮。未來美股有機會從2008年11月20日起喺7506 點至14196點之間牛皮幾年，但真正牛市可能响數年後才出現。一如上一次牛市要到1982年8月才開始一樣，但道指卻喺1974年12月初見最低點。

恒生指數由1967年67點升至2007年10月30日31958點，無論時間及升幅皆超過美股由1932至66年1月（美元响呢段日子並冇失去購買力，如將1967至2007年港元購買力貶值嘅因素計算在內，兩者升幅其實差唔多）。由2007年10月30日31958點回落到08年10月27日 10676點，跌幅66.59％，幅度遠遠超過1966至74年12月美股跌幅（當時美元購買力貶值速度十分大）。淡市莫估底乃我老曹所教，呢次各位亦唔好估底（從來冇人摸底成功），不過到咗現水平，唔好因市場氣氛太淡而令自己睇法一面倒。

1929年9月美股市值相等於當年GDP 200％，到四十年代只係GDP 40％；1966年美股市值係GDP 115％，1982年又重返GDP 40％；2007年10月美股市值係GDP 170％，家吓係59％。從呢點睇，美股長遠仍未見底。

至於港股，大循環為期九至十一年，1997年港股見頂後，2007年再見頂；1998年恒生指數响8月13日6544點見底，呢次恒生指數會否喺10月27日10676點見底？上次香港經濟要到2003年第二季才見底，呢次係咪亦係五年後？恒生指數响1998年8月至 2003年4月炒上炒落，真正牛市到2003年4月才開始。呢次恒指由2008年11月開始，會否亦進入另一段非牛非熊市，而經濟則繼續衰退落去？

資金由OECD國家流向新興工業國，情況一如1966年起資金由美國流向香港等地區一樣，呢次資金由美國、歐洲、日本齊齊流向中國、印度、巴西同俄羅斯。

牛市出現前嘅特徵

牛市出現前嘅特徵

世上永遠存在相反意見，家嚇最多人問嘅係10月27日恆指係咪熊市底？一個熊市通常可維持十三到十八個月。去年10月至今已十二個月有多。根據Ned Davis Research資料，牛市開始時必出現以下三點其中一點：一、喺五十個交易天內，道指反彈最少30%；二、喺一百五十五個交易天內，道指最少上升 13%；三、Value Line Geometric指數最少上升30%。

由10月10日道指7882.51起計，如喺12月份道指升穿10276點，唔排除道指牛市出現。如12月份道指無力重返10276點以上，美股將繼續尋底。

家嚇環境仍係 Disinflation，估計可維持到明年上半年；如明年下半年經濟仍無法復甦，恐怕我地將進入通縮期。喺通縮期股票平均O只有七倍，因為冇通脹幫助下，企業純利只會減少而唔再增長。


明年第二季擇肥而噬
我老曹估計，新需求唔會再來自美國、歐洲及日本，而係來自新興工業國。如各位認同我老曹嘅分析，請喺明年第一季開始收集資源股、拋售債券。投資大方向係新興工業國股票而非美國、歐洲同日本，即從西方轉向東方。東方經濟冒起，將重新帶動世界經濟增長，情況有如1975年日本及德國經濟冒起，抵銷美國同英國經濟下滑嘅道理一樣。呢次美國、歐洲同日本經濟下滑令通縮出現，明年下半年因新興工業國經濟冒起而重新推動經濟向上。未來中國、印度、巴西及俄羅斯等新興工業國將擔任更重要嘅角色（G20將取代G8）。

曹仁超 2008/11/14 - 富人變窮人

曹仁超 2008/11/14 - 富人變窮人

　　展望未來三大問題：How low、 How bad及How long？通常一個經濟衰退期維持三年。一個大跌市（指股市）則長達十三點一個月至十八點五個月（即股市見底後，經濟仍衰退），如果呢次係十三點一個月，即今年10月27日見底。如果係十八點五個月，即仲有六個月，熊市響明年3月或4月見底；反之，經濟衰退（或一般人感到復甦）需時三年，即2010年年底大部分人先感受到經濟正在復甦，例如失業率下降或樓價又再止跌回升。響明年3月至2010年10月，恆指響25%至35％波幅內上落，直到經濟真正復甦時才大幅上升。如出現資產負債表衰退，明年3月股市有一次似樣反彈後又再下跌。

　　熊市中最大嘅苦楚係眼見自己嘅投資化水，唔少人連計算自己手上投資值幾多錢嘅勇氣都冇。新投資者可能只經歷過1997年亞洲金融風暴，未經歷過 1981至82年主權回歸時嘅大跌市，更加唔好講1973至74年超級大熊市，恆生指數可以大跌91.5％（1981年7月，恆指由1810點跌到82年 12月676點，跌幅高達62.65％；1997年8月至98年8 月，恆指由16820點跌到6544點，跌幅61.09％；最近一次熊市，恆指由2000年3月18397點跌到03年4月8331點，跌幅 54.71％；今次熊市由2007年10月31958點跌到08年10月27日10676點，跌幅66.9％，已超過過去多次熊市跌幅，只係唔及1973 至74年嗰個熊市）。1973至74年係香港全民皆股民嘅日子，情況同去年10月前情況接近。

　　1907年經濟危機後，英國從全盛期走向衰落。去年金融海嘯後，美國係咪同樣由全盛期走向衰落？美國戰後嬰兒潮一代人已到退休年齡，佢地對醫療及社會福利嘅依賴，可令聯邦政府面臨破產威脅。美國正走上1907年英國嘅舊路，佢地嘅信用體系已面臨被摧毀。雖然仲有一段日子，美國仲係全球最大經濟體（好似英國急速衰落期響第二次世界大戰後先出現），但2008╱09年度美國財赤將超過 1萬億美元，響伊拉克同阿富汗軍費開支高達2000億美元；加上國債已有10.5萬億美元；反之，中國有如1907年嘅美國，雖然響全球危機中一樣受打擊，中國宣佈2010年投資4萬億元人民幣改善基建，情況亦同二十世紀初期嘅美國好相似。

　　中美勢力響此消彼長下，好似二十世紀初期嘅英美勢力。嚟自WTO嘅紅利，中國已用得七七八八，出口市場已難繼續擴大；加上歐美日經濟走下坡，中國必須拓展內需市場才能繼續長大。好似三十年代嘅美國大蕭條，不但冇摧毀美國經濟，反令美國響第二次世界大戰後雄霸全球。

　　1780年工業革命響英國開始，到1900年英國國力已雄霸全球，進入大量消費期；1907年美國接力進入電氣化時代。汽車及飛機各種電器及電子產品出現，令美國漸漸雄霸全球。三十年前中國走改革開放路線後世界又再改變，美國人盡情消費，中國人努力生產。

一定是商品價格比股票先行上升
如果趁目前的低迷環境入市，優先考慮的應是商品，而不是股票

http://farm4.static.flickr.com/3011/3039237857_2ac76f844b.jpg
http://i422.photobucket.com/albums/pp308/leahdizon_album/6_7750.jpg


http://spampork.bizland.com/girl1.jpg

http://www.google.com/search?hl=zh-TW&q=GANNTRADER3&btnG=%E6%90%9C%E5%B0%8B&lr=

用波浪理論分析大市，今年3月18日20572點係浪1；5月5日 26387點係浪2；10月27日10676點係浪3，依家行緊浪4，估計喺15767至18681點之間任何一點完成，然後再行浪5（即終極一跌。細波浪分析由今年7月24日23369點起計，到10月27日已完成1、2、3、4及5下跌浪，家吓喺a、b及c反彈浪）。我老曹1978年起學習波浪理論，到1997年前放棄，因發現波浪理論事後解釋幾好，但用佢推算未來，就錯漏百出。初期以為自己學藝未精，後來發現國際級波浪大師Prechter亦錯得離譜；咁樣我老曹只用作印證已發生嘅事，唔再用嚟預測未來。

七十及八十年代係我老曹最醉心走勢時刻。例如GANN（江恩理論）、ARIMA、 TORGUE（扭力走勢）及Cycle Timing（循環理論）等都曾經研究過，甚至較偏門嘅走勢分析如Square Root of Sharpe及Stone's and Okham's Ratio亦有研究，但1997年後反璞歸真，重新相信基礎分析，另配合各種各類技術分析；最常用係Cycle Timing。基礎分析有如力與健，任何功夫如無氣力及健康身體，一切皆枉然。技術分析已集各派武功取其優，一如李小龍嘅截拳道，做到後發先致。旺市莫估頂、淡市莫估底，搵到頂或底後先攻擊。例如去年10月見頂後，11月先睇淡，因為太早睇淡及太早睇好都係死罪。請唔好再扮先知。

分配財富同創造財富，自古兩難存：鼓勵創造財富必帶嚟社會兩極化；着重分配財富，經濟又往往停滯不前。奧巴馬亦跳唔出呢個框框。

能源股未來最傷

恒指仍處a、b、c反彈浪內行走【圖】。太陽陳話呢次應該係一個似模似樣鮋反彈，上望16830點。過去策略係Sell on Rumour，今天恒指不跌反升，證明策略已轉為壞消息入貨。

標普五百家吓P/E係二十一倍

如把金融業剔除，標普五百家吓P/E係二十一倍，較過去六十年平均P/E嘅十七點八二倍高。1975年股市見底時，標普五百平均P/E七點二八倍，1982年最低潮P/E係六點八四倍。

就係中國GDP增長率由過去10％以上增長轉為8％甚至7％以下，但响全世界仍算係高速度，一旦適應咗「中速跑」，中國經濟仍可以好起來。反而美國經濟响金融風暴後失業率不斷上升，估計由今年9月份6.3％上升到明年底嘅10％。

利用滙控與恒指關係觀察熊市

利用滙控與恒指關係觀察熊市
恒生指數又點睇？家吓已拋離250天線（23395點）好多，亦可支持一次大反彈，例如接近或略破50天線（17756點），完成a、b、c反彈浪。另一方面，去年10月開始嘅下降通道今年9月失守（15500點）後出現大跌【圖】，至10月27日10676點係咪見底？我老曹木宰羊。上次熊市結束前，滙控（005）响2002年10月7日見78元後反彈上2002年12月2日92.5元，再回落到2003年4月1日79.5元，唔再創新低，才結束港股上一次熊市。同期恒指2002年10月10日見8772點，反彈至2002年10月3日10246點，再回落2003年4月25日見8331點新低，才結束呢個熊市（即滙控較恒指先一步見底）。利用滙控與恒指之間嘅關係，即假設上周滙控75元已見底，反彈到100元以下將遇阻力再回落，如明年4月滙控股價仍不低於75元，港股熊市才有機會結束。我老曹上述分析，應可回應大部分人嘅疑問：10月27日恒指10676點見底未呢？

1929

http://stockcharts.com/charts/historical/djia1900.html

曹仁超 專欄 (01/11/2008) - 最恐怖的10月

過去歷史低位必需Re-Test。10676點必須面對考驗，企得住再算。通常需要五至七星期。即五到七星期內恒指唔再創新低，10676點先算係強力支持；即最早明年1月，最遲明年3月先知道本周10676點係咪見底（只有1987年10月股災，Re-Test喺三十四個交易天後便出現）。投資者唔使估底，只需等候Re-Test便可。如喺五至七星期內恒指低於10676點，即最近幾天只係一次強力反彈。

1929年9月道指由381.27回落到11月198.69，下跌47.88％後出現強力反彈；1930年4月見294.07，升幅達48％才再開始漫長熊市。

1989年12月29日日經平均指數由38957點回落到1990年4月5日27251點，回落30％後亦反彈至1990年6月8日33344點，上升22.5％，然後才開始漫長熊市。

作為趨勢投資者你永遠唔可能喺最低價入貨，只可以喺股市見底後五到七星期先知道往往買貴10％（寧買當頭起）

呢次金融海嘯波及面同嚴重程度與1929年華爾街危機開始時有好多相似之處。例如道指喺十二個月內下跌40%及有更多跌幅喺前面；不過，亦有唔同處，美國次按危機發生無耐，各國政府已推出解救措施，基本上防止咗銀行系統倒閉危機及針對信貸緊縮問題而大量向金融體系注資，各國央行協調降息。反觀三十年代，各國喺華爾街危機發生後，不但唔肯放寬貨幣政策，反而主張重返金本位，令銀根緊縮及大量銀行倒閉。


美國最少需十季（兩年半）先重拾升軌，已較日本四年時間為短。咁樣計算，另一次復甦期要等到2011年先出現；睇嚟投資者要牛市出現仍需耐心等候。


中國市場正由滯漲期轉入下行周期。估計房價平均再跌10％，最高可跌30％，要到2010年房地產周期先重新進入上升期。明年中國房地產市場可能出現個貸違約率上升鮋潛在風險。